- Ata o ano 1988, o único fin da Escuadra era a participación no Campionato Galego de Rallyes sobre Asfalto e o Campionato de España de Rallyes sobre Terra, nos cales, á parte dos logros individuais conseguidos polos distintos pilotos que defendían as cores do SIROCO TEAM NARÓN, logrouse o Triunfo Absoluto no Campionato Galego de Rallyes para Escuderías e Departamentos de Competición no ano 1987.

- Dende o ano 1988, ademáis de seguir participando nos distintos Campionatos Galegos de Rallyes sobre Asfalto, Terra, Montaña, Slalom e algunha incursión en Karting e Autocross, comézase coa organización do RALLYE de NARÓN, en principio puntuable para o Campionato Galego de Rallyes sobre Terra (as 6 primeiras edicións) no cal se consegue ser a proba máis puntuada dentro da Comunidade Autónoma de Galicia dende o ano 1990 ao 1993, e logo para o Campionato Galego de Rallyes sobre Asfalto (a partir de 1994), obtendo tamén o máximo coeficiente no ano 1998, e dende entón ata a actualidade conseguimos mantelo. No ano 1994 logrouse o Triunfo Absoluto no Campionato Galego para Escuderías e Departamentos de Competición por segunda vez, sete anos despois.

- Na tempada 2001, obtense a máxima puntuación outorgada pola Federación Galega de Automobilismo a tódolos Rallyes celebrados na Comunidade Galega. Na Gala do Deporte do Concello de Narón esta Asociación é elixida como o mellor clube de Narón. Do mesmo xeito, a Secretaría Xeral para o Deporte da Xunta de Galicia elíxenos mellor clube galego do ano 2001 dentro do apartado de automobilismo. No mes de Xuño dese mesmo ano, inaugúrase a nova sede social, sita na Rúa Río Vespasante, Nº19 Baixo D, en Piñeiros (Narón).

- Nos anos 2002, 2003 e 2008 acádase por 3ª, 4ª e 5ª vez o Triunfo Absoluto no Campionato Galego para Escuderías e Departamentos de Competición.